حـــــــــــــــــرمــــــــان

صهرت الحرف وكونته جعلتة ساحر وفنان
ورسمت الكلمه اللي تكونت من بعض تكويني

عشقت الحرف ليش انه يصور صرخة الانسان
ونا صرخة بصدر الشوق وشوفك ما يكفيني

قبل ماترسم البسمه.. حياتي قول انا عشقان
تكلم... جسد الأحساس في عينك وعيني

هلا وشلونك.. وكيفك ترى ماتحرك الاشجان
أنا محتاجه لأشواقك تفجر..... كل مافيني

برودك عاش في دمي ..قصيده مالها عنوان
سكوتك يبتدي فيني وصمتك صار ينهيني

تحرك ياجبل من ثلج.. اصرخ قول انا عشقان
لصوتك او قصيدة حب أو هجران يكويني

أنا خطيت بحروفي... قصيده أسمها الحرمان
يموت الحرف ويحيا الحرف وانا موتي يبكيني