والله احبـــك ....

والله احبك وأعشقك وأطلب رضاك 
وأموووت لو طول عليه غيابك 
ماهو بس ابيك ولا اتمناك 
يابن الحلال اهواك وأعشق ترابك 
ليا فقدتك عارفن وين بلقاك 
في قلبي اللي مابرا من صوابك 
وليا اشتكى من قسوة الارض ماطاك 
تلقاني اقرب بالغلا من ثيابك 
انا وقلبي كلنا من فداياك والحزن وجروح الغرام وعذابك 

فديـــــــــــتك

أبعلن حبّك العذري على الدنيا وما فيهـا
أبي من لا يعرفونك هنـا فينـي يعرفونـك

أبرسم صورتك لكن ابقصر عند تاليها
أبي من دون لا توضح تقاسيمك يشوفونـك

تبسّـم بالشفـاه اللّـي تنادينـي واناديـهـا
تعال وضمّني خـل الخلايـق لا يهموّنـك

وإذا عاجز تسوّيها لـك الله غيـر أسوّيهـا
وأبلعن خامس أسلاف العواذل لو يعذلونك

وأبيك تناظر بعينك علـى عيـنٍ تراعيهـا
أبي من لا مني لأجلك يشوف الموت بعيونك

عيونٍ جيت أكحلّها ولكـن خايـف أعميهـا
أخاف أزيد في مدحك يغـارون ويذمّونـك

ما دامي معلنٍ حبّك أجل لا غـرت وشفيهـا
أغار ونص يا عمري .. أجل وشلون مفتونك

تبي غيري يجي يمّك وأنـا داري وأعديّهـا
عجزت أتخيّل العالم بعد موتـي يواسونـك

أخاف تتعب لحالك مـن الدنيـا وبلاويهـا
وأخافك تضعف وتقوى عظام اللّي يعادونـك

حبيبي .. يا بعد راسي هنـا لا بـدْ ننهيهـا
أبي لامن قروا فكرة حبيبـك مـا يملوّنـك

تبي بالمسـك نختمهـا .. تبسمّلـي بتاليهـا
تبسّم دامها تمّـت قصيـدة حـب مجنونـك 

ملعون قلبي لو فكر ينساك

سخرت لك شعري وشعري تمناك..و أصبحت أنا اكتب كل شعري عشانك..
وش فايدة شعري بلا ذكر طرياك..أنا اشهد إن الشعر يحلا بشانك .. 
أعاهدك باللي خلقني وسواك .. ويعاهدك قلب إذا غبت صانك .. 
والله ما خونك ولا أفكر بفرقاك .. وملعون قلبي كأنه يوم خانك

انا بالروح افداك

إلى متى من دون تفكير أناديك

أحسبك عندي وأنت يابعد ممساك

لو صار شوفك صعب ماني بناسيك

ولو حال دونك يأس لا يمكن أنساك

لو عشت طول العمر بالروح بفديك

يالغالي اللي غالي الروح تفداك

أمــــــــــــــــــــــــــــــوت فيك

:
عندي قصيده ودّها من خالص إحساسي تجيك
حتى معانيها تبي تاصلك .. قبل بيوتها

قصيدةٍ يرجع سبب تركيبها منّك وإليك
وانت تعرفها من ملامحها وبحّة صوتها

ياللي بديتك شوق كيف أشواق قلبي تنتهيك
وأحلام عمري لا فقدتك ترجع لتابوتها

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها

لاجيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها

كم لي وأنا أنادي عليك آمال عمري وأحتريك
وكم لك تجيب أعذار من زرق البحور وحوتها

مع كل هذا .. والله إني مشتريك وبأشتريك
وأحسد عليك ........ وجوّها وبيوتها

لا تكثر ظنوني عليّ .. وتكثر ظنونك عليك
نفسي فراقك ضيم حالتها .. وقربك قوتها

آموت لك \ أموت منك \ أموت معك \ أموت فيك
ضع خط .. تحت الموته اللي تعجبك وأموتها

من غـــــــــاب عني

علمو من غاب عنا لايطول  غيابه     علموه اني اعاني من جفاه ومن عذابه    علمو اني اموت بغربته واحيا جدابه

 وان هذا الكون كله عقب ماقفا خرابه  علموه إن اللي يحبه جن ومشقق ثيابه  وعلموه بدمعي  إللي هلته عيني صبابه

علموه بكل جرح في خفوقي من سبابه  علموه بحالي  إللي عنه غافل ما درابه  صرت انا  وهموم ليلي والحزن فينا تشابه

وبيني وبينه الألم والياس واالغربه غرابه  لاتقولوا  كيف صارت ؟ والله صارت لاغرابه  علمون إن يرضى صاحبه يفني شبابه

إييتغلى يستمر في دربه اللي هو مشابه  ويبتعد عني ويرحل لا فكر في ايابه  لايهمه حال خله دام  ماهمه عتابه  لايهمه  ماوصل

من رسايل اوكتابه دام مافي بباله اصلا لسؤالي  اي إ‘جابه وان نوى الموت لخفوقي وش بقى فيني ياهلابه يمكن ارحملي ولكن ادفنوني

ღღعند بابه دامني محروم حضنه  يكفي يحضني ترااابهღღ



حـــــــــــــــــرمــــــــان

صهرت الحرف وكونته جعلتة ساحر وفنان
ورسمت الكلمه اللي تكونت من بعض تكويني

عشقت الحرف ليش انه يصور صرخة الانسان
ونا صرخة بصدر الشوق وشوفك ما يكفيني

قبل ماترسم البسمه.. حياتي قول انا عشقان
تكلم... جسد الأحساس في عينك وعيني

هلا وشلونك.. وكيفك ترى ماتحرك الاشجان
أنا محتاجه لأشواقك تفجر..... كل مافيني

برودك عاش في دمي ..قصيده مالها عنوان
سكوتك يبتدي فيني وصمتك صار ينهيني

تحرك ياجبل من ثلج.. اصرخ قول انا عشقان
لصوتك او قصيدة حب أو هجران يكويني

أنا خطيت بحروفي... قصيده أسمها الحرمان
يموت الحرف ويحيا الحرف وانا موتي يبكيني